Фото: Reuters

АҚШ президенти Дональд Трампнинг махсус вакили Кейт Келлог Россия ва Украина билан тузилган тинчлик шартномаси ҳақида гапириб, Москвани тезроқ ҳаракат қилишга чақирди.

«Россиянинг тинчлик музокараларини АҚШ ва Украина чўзаётгани ҳақидаги даъволари асоссиз» — дейди Кейт Келлогг. У, шунингдек, Трамп доимий ва қатъият билан урушни тугатиш сари ҳаракат қилишни қўллаб-қувватлаганини эслатди.

«Биз зудлик билан ўт очишни тўхтатишга ва можарога барҳам бериш учун уч томонлама музокараларга ўтишга чақирамиз», — дея хулоса қилди Келлогг.

Аввалроқ, Россия президентининг матбуот котиби Дмитрий Песков Украина билан музокаралар жараёни динамикаси кўп жиҳатдан Киев позицияси ва Вашингтоннинг воситачи сифатидаги самарадорлигига боғлиқлигини таъкидлаган эди. Песков Россиянинг позицияси узоқ вақтдан бери маълум ва тушунилганини эслатди. Шунингдек, у «жойлардаги ишларнинг ҳақиқий ҳолатини» ҳисобга олиш зарурлигини таъкидлади.

Трамп музокараларда тараққиёт кутмоқда
АҚШ президенти Украинадаги можарони ҳал қилиш бўйича музокараларда муваффақиятга эришишни кутаётганини айтди.

«Биз бу масалани ҳал қилишимиз керак ва мен бу соҳада нимадир содир бўлишига ишонаман» — деди Трамп.

Бундан олдин, НАТО саммитига кетаётиб, АҚШ раҳбари Россия билан келишувга эришмоқчи эканини айтган эди. Оқ уй раҳбарининг қўшимча қилишича, Россия президенти Владимир Путин унга қўнғироқ қилиб, АҚШга Яқин Шарқдаги можарони ҳал қилишда ёрдам беришни таклиф қилган. Трамп унга Эрон масаласида ёрдам керак эмас, балки «Россия билан ёрдам керак» деб жавоб берган.

Трамп россиялик ҳамкасбининг Вашингтон ва Москва муносабатларига оид баёнотларини ҳам олқишлади. АҚШ раҳбари уларни жуда ёқимли деб атади.

Песков Украина билан музокараларнинг учинчи раундининг вақти яқин кунларда аниқ бўлишига умид билдирди. Унинг таъкидлашича, Россия Украина томони вакиллари билан ҳозирча ҳеч қандай учрашув тайинламаган, бироқ бу яқин келажакда ўзгариши мумкин.

Россия Ташқи ишлар вазирлиги матбуот котиби Мария Захарова ҳам Украина можароси бўйича музокараларнинг боришини изоҳлади. Унинг сўзларига кўра, Киев билан мулоқот тўғри йўналишда кетмоқда, чунки маҳбуслар ва инқирозни ҳал қилиш бўйича таклифларни ўз ичига олган меморандумлар алмашилган.

Путин Россия ва Украина меморандумлари қарама-қарши мазмунга эга эканлигини таъкидлади, аммо бу ажабланарли эмас.

«Меморандумларга келсак, кутилганидек, кутилмаган ҳеч нарса юз бермади. Мен сизга кутилмаган ҳеч нарса айтмайман. Бу мутлақо қарама-қарши иккита меморандум» — деди у.

Путиннинг қўшимча қилишича, Москва ва Киев ўртасидаги музокаралар яқинлашиш йўлларини топиш мақсадида ташкил этилмоқда ва олиб борилмоқда.