АҚШ ҲАМАСга Исроил назоратидаги Ғазо ҳудудларидан хавфсиз чиқиш таклифини билдирди
Axios нашрининг хабарига кўра, Оқ уй вакиллари ҲАМАС раҳбариятига Исроил назоратидаги Ғазо секторининг айрим ҳудудларидан қуролланган жангчиларни хавфсиз олиб чиқиш имкониятини тақдим этувчи таклиф юборган.
Бу таклиф Миср ва Қатар воситачилиги орқали етказилган. Манбага кўра, АҚШнинг асосий мақсади — ўт очишни тўхтатиш тўғрисидаги келишувнинг бузилишига йўл қўймаслик ҳамда ҲАМАС тарафдорлари билан Исроил армияси ўртасида янги тўқнашувларнинг олдини олишдир.
Axios Исроил мудофаа кучлари вакилларига таяниб ёзишича, ҲАМАСга содиқ бир неча ўнлаб жангчилар ҳанузгача Исроил қўшинлари назоратидаги ҳудудларда жойлашган ерости туннелларида қолмоқда.
Эслатиб ўтамиз, 9 октябрь куни АҚШ президенти Дональд Трамп томонидан тақдим этилган тинчлик режасининг биринчи босқичини амалга ошириш борасида келишувга эришилган эди. Ғазода ўт очишни тўхтатиш режими 10 октябрдан кучга кирган.
Тавсия этамиз
Кўп ўқилганлар
- G20 саммитининг Жанубий Африкада ўтказилиши шармандали ҳолат – Трамп
- АҚШ ва Британия Сурия муваққат президенти Ахмад аш-Шаръани «қора рўйхат»дан чиқарди
- Ўзбекистон U-17 терма жамоаси Жаҳон чемпионатидаги иккинчи ўйинида мағлуб бўлди
- Ўзбекистон миллий терма жамоасининг халқаро мусобақа учун қайдномаси эълон қилинди
- Туркия суди Нетаньяҳуни Ғазода геноцид содир этганликда айблаб, ҳибсга олиш ордерини маъқуллади
- Россия НАТОга ҳужум қилиш учун шай ҳолатда — Бундесвер генерали
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг