Андижонда «Nexia-3» ва «Траcкер-2» иштирокида ЙТҲ содир бўлди
Ижтимоий тармоқларда Асака туманида йўл-транспорт ҳодисаси содир бўлгани тўғрисидаги хабарлар кенг тарқалди. Мазкур ҳолат юзасидан Андижон вилояти ИИБ ЖХХ ЙҲХБ маълумот берди.
Унда айтилишича, ушбу ЙТҲ бугун, 20 февраль куни соат 17:10ларда Асака тумани «Янгисор» МФЙ Янгисор кўчасидан ўтган Д-105 «Асака — Андижон» автомобиль йўлининг 160 км.да содир бўлган.
Унда 1991 йилда туғилган ҳайдовчи Б.А. «Nexia-3» русумли автомашинасида «Янгисор — Дўнг» кўчалари кесишган чорраҳасидан чап томонга бурилаётиб, қарама-қарши томонидан ҳаракатланиб келаётган «Траcкер-2» русумли автомашинаси ўтказиб юбормасдан, у билан тўқнашиб, йўл-транспорт ҳодисаси содир қилган.
Сўнгги маълумотларга кўра, тўқнашув оқибатида «Nexia-3» русумли автомашинасидаги 1 нафар йўловчи тан жароҳати олиб, туман шифохонасига мурожаат қилган. Ҳозирда мазкур ҳолат юзасидан ҳозирда Асака тумани ИИБ ЙҲХГ ходимлари томонидан суриштирув ишлари олиб борилмоқда.
Тавсия этамиз
Кўп ўқилганлар
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг