Андижонда «Nexia-3» ҳайдовчиси ухлаб қолиб, ЙТҲ содир этди
Фото: Андижон ЙҲХБ
Андижон вилояти Олтинкўл туманида «Nexia-3» ҳайдовчиси ухлаб қолиши оқибатида «Nexia» автомобили билан тўқнашиб кетди. Вилоят Йўл ҳаракати хавфсизлиги бошқармаси ҳодиса юзасидан маълумот берди.
Қайд этилишича, воқеа бугун, 23 октябрь куни соат 13:15 ларда Олтинкўл тумани «Оқтепа» МФЙ ҳудудидан ўтган Д-105 «Фарғона халқа йўли» автомобиль йўлининг 132 километрида содир бўлган.
«Nexia-3» русумли машинани бошқариб келаётган 35 ёшли ҳайдовчи В.М. ухлаб қолиб, йўлнинг қарама-қарши томонига ўтиб кетган. Оқибатда ўз йўналишида келаётган «Nexia» русумли транспорт воситаси билан тўқнашиб, йўл-транспорт ҳодисаси содир этган.
Ушбу ЙТҲ туфайли «Nexia-3» русумли транспорт воситасининг 1 нафар йўловчиси тан жароҳати олиб, туман шифохонасига мурожаат қилган.
Ҳозирда мазкур ҳолат юзасидан Олтинкўл тумани ИИБ ЙҲХГ ходимлари томонидан суриштирув ишлари олиб борилмоқда.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Имтиёзли шартларда пенсияга чиқиш ҳуқуқини берувчи рўйхатни тузиш тартиби белгиланди
- Иш билан боғлиқ бахтсиз ҳодисалар ва касбга оид касалликлар ҳақидаги маълумотларнинг яхлит тизими йўқлиги кўрсатиб ўтилди
- Ҳар бир ҳудудда “Касаба уюшмалари боғлари” ташкил этилади
- Ламин Ямал «Барселона»ни тарк этиши мумкин
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг