Ўзбекистон Эритрея билан дипломатик алоқалар ўрнатди
Ўзбекистон ва Шарқий Африкада жойлашган Эритрея ўртасида дипломатик муносабатлар ўрнатилди. Бу ҳақда Эритреянинг БМТдаги (Нью Йорк) доимий ваколатхонаси Х саҳифасида маълум қилди.
Қайд этилишича, бугун, 11 июль куни Ўзбекистон ва Эритрея ўртасида дипломатик муносабатлар ўрнатиш тўғрисидаги қўшма коммюнике имзоланган. Ҳужжатни икки давлат ҳукуматлари номидан Ўзбекистоннинг БМТдаги доимий вакили Улуғбек Лапасов ҳамда Эритреянинг БМТдаги доимий вакили София Тесфамариам Йоханнес имзолаган.
Шу тариқа ушбу мамлакат Ўзбекистон дипломатик муносабатлар ўрнатган 161-давлат бўлди.
Маълумот учун, Эритрея Африка қитъасининг шимоли-шарқида, Қизил денгиз бўйида жойлашган, у Судан, Эфиопия ва Жибути билан чегарадош ҳисобланади.
Тавсия этамиз
Кўп ўқилганлар
- Ўзбекистонда ЯТТ ва ўзини ўзи банд қилган шахслар QR-кодсиз фаолият юритса жаримага тортилади
- Муҳаммад Ризо Огаҳий номидаги халқаро мукофот совриндорлари маълум бўлди
- Хонанда Раҳматилло Юсупов 44 ёшда вафот этди
- Ҳоким ёрдамчиси кимга ёрдамчи?
- Сизни ажаблантирадиган анъаналар. Дунё бўйлаб янги йил қандай нишонланади?
- Ўзбекистон Президенти ва халқига Янги йил байрами муносабати билан самимий қутловлар келмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг