Туркияда қаровсиз қолиб кетган 3 бола Ватанга қайтарилди
Фото: Истанбулдаги Бош консулхона
Турли сабаблар туфайли Туркиянинг Истанбул шаҳрида ота-онасининг қармоғидан маҳрум бўлган уч нафар вояга етмаган бола кеча, 2 октябрь куни Тошкент шаҳрига юборилди.
Ўзбекистоннинг Истанбул шаҳридаги Бош консулхонаси маълум қилишича, 16 ёшли ва 6 ёшли 2 нафар қизлар ҳамда 11 ёшли 1 нафар ўғил боланинг яқин қариндошлари амалий ёрдам сўраб, мурожаат йўллаган.
Мурожаатга асосан Истанбул шаҳридаги Бош консулхона, Ўзбекистон Ички ишлар ва Соғлиқни сақлаш вазирликлари ҳамкорлигида амалга оширилган чора-тадбирлар натижасида вояга етмаган уч нафар бола масъул ходимларнинг кузатуви остида Ўзбекистонга қайтарилган.
Шу ўринда, ота-оналардан вояга етмаган фарзандларини хорижий давлатларда назоратсиз қолдирмаслик, бефарқ бўлмаган фуқаролардан эса чет элда қаровсиз қолиб кетган болажонлар тўғрисида зудлик билан Ўзбекистон Республикасининг хорижий дипломатик ваколатхоналарига хабар бериш сўралади, дейилган хабарда.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Ўзбекистон тасвирий санъат галереясида Самарқанд мактабининг янги нафаси
- Имтиёзли шартларда пенсияга чиқиш ҳуқуқини берувчи рўйхатни тузиш тартиби белгиланди
- Иш билан боғлиқ бахтсиз ҳодисалар ва касбга оид касалликлар ҳақидаги маълумотларнинг яхлит тизими йўқлиги кўрсатиб ўтилди
- Ламин Ямал «Барселона»ни тарк этиши мумкин
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг