Jizzaxda mahalla infratuzilmasini yaxshilash, biznesni qoʻllab-quvvatlash, grantlar ajratish uchun qoʻshimcha 300 milliard soʻm ajratiladi

14:02 09 Aprel 2024 Siyosat
403 0

Prezident Shavkat Mirziyoyev raisligida oʻtayotgan yigʻilishda Jizzax viloyatini ijtimoiy-iqtisodiy rivojlantirish masalalari muhokama qilinmoqda.

Uy-joy va mahalla infratuzilmasini yaxshilash – doimo diqqat markazida. Bu yil viloyatda 4,5 ming xonadonli 118 ta uy-joy qurish reja qilingan.

Davlatimiz rahbari bu yetarli emasligini qayd etib, uy-joy qurilishini koʻpaytirish zarurligini taʼkidladi. Doʻstlik tumanidagi “barak” uylar oʻrnida yangi uy-joy qurish tajribasi asosida qolgan tumanlardagi 2 mingga yaqin eski uylar oʻrnida 50 ming xonadonli zamonaviy uylar qurish dasturini tasdiqlash topshirildi.

Zomin, Baxmal va Forishda ham uy-joy qurish dasturlari boshlanadi.

Sentyabrdan boshlab Sharof Rashidov, Paxtakor, Doʻstlik va Mirzachoʻl tumanlarini Jizzax shahri bilan bogʻlovchi “Irjar – Doʻstlik – Jizzax” yoʻnalishida teplovoz qatnovi yoʻlga qoʻyiladi. Natijada ushbu tumanlardagi 450 ming aholini shaharga qatnashida yengillik yaratiladi.

Viloyatdagi mahallalar infratuzilmasini yaxshilash, joylarda bogʻcha va maktablar qurish, Jizzax shahridagi tibbiyot muassasalari va koʻpriklarni taʼmirlash chora-tadbirlari yuzasidan mutasaddilarga aniq topshiriqlar berildi.

Umuman, Jizzaxda mahalla infratuzilmasini yaxshilash, biznesni qoʻllab-quvvatlash, grantlar ajratish uchun qoʻshimcha 300 milliard soʻm ajratilishi belgilandi.

Yigʻilishda muhokama qilingan masalalar yuzasidan hudud va tarmoqlar rahbarlarining hisoboti tinglandi, viloyat faollari bilan muloqot boʻldi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер