Fransiya poytaxtida oʻtkazilayotgan yozgi Olimpiada oʻyinlarida oʻzbek sportchilari oʻz yurishlarini davom ettirmoqda.

Erkin kurash boʻyicha Oʻzbekiston terma jamoasi aʼzosi Jabrail Shapiyev va Gʻulomjon Abdullayev “Parij-2024” yozgi Olimpiada oʻyinlaridagi ishtirokini boshlab oldi.

Jabrail Shapiyev erkin kurashdagi birinchi sportchimiz hisoblanadi. Mamlakatimiz sharafini himoya qilayotgan Jabrial birinchi chiqishini gruziyalik Vladimir Gamkrelidzega qarshi kechdi. -86 kg vazn toifasida qatnashayotgan sportchimiz

Sportchimiz qiyin kechgan bahsda 5:1 hisobida raqibini magʻlub etdi va keyingi bosqichga yoʻl oldi. Unda yurtdoshimizga bolgariyalik Magomed Ramazanov raqiblik qiladi.

-57 kg vazn toifasida qatnashayotgan Gʻulomjon Abdullayev esa Ozorbayjonlik Aliabbas Rzazdega 11:4 hisobida magʻlubiyatga uchratib, chorak finalga chiqdi.

Maʼlumot uchun aytish mumkinki, Jabrail (Javrail) Nurmagomedovich Shapiyev 1997-yil 20-aprelda Dogʻistonda tugʻilgan. “Tokio-2020” Olimpiadasida Oʻzbekiston terma jamoasi aʼzosi sifatida ishtirok etgan. Gʻulomjon Ozodovich Abdullayev esa 1998-yil 11-noyabr Xorazmda tavallud topgan.