Foto: AFP

Ukraina prezidenti Vladimir Zelenskiy AQSH prezidenti Jo Baydenni Rossiya hududiga zarba berishga qoʻyilgan har qanday taqiqni bekor qilishga chaqirdi. Bu haqda «Neue Zürcher Zeitung» nashri yozmoqda.

Nashrga koʻra, u Baydendan Rossiya hududidagi harbiy nishonlarga Gʻarb qurollari bilan hujum qilish uchun barcha cheklovlarni olib tashlashni talab qilgan.

Maqolada Zelenskiy Ukraina bu qadamni kutayotgani qoʻshimcha qilingan. Izohlanishicha, Rossiya hududiga «chuqur zarbalar»siz Kiyev hech narsa qila olmaydi.

Yaqinda bir qancha Gʻarb davlatlari Kiyevga oʻz qurollari bilan u yoki bu shaklda Rossiya hududiga zarbalar berishga ruxsat berdi. Xususan, bu haqda yaqin vaqtgacha Buyuk Britaniya bosh vaziri lavozimida ishlagan Rishi Sunak va uning hukumatida Mudofaa vaziri Grant Shapps aytib oʻtgandi.

Shu yilning iyun oyi boshida Rossiya prezidenti Vladimir Putin Moskva Ukrainaga uzoq masofaga uchuvchi qurollar yetkazib berilishiga assimetrik javob berishi mumkinligini aytgan edi. Uning soʻzlariga koʻra, Rossiya oʻz qurollarini Kiyevni taʼminlovchi davlatlarning nozik obyektlariga hujumlar uyushtirilishi mumkin boʻlgan hududlarga oʻtkazish imkoniyatini koʻrib chiqadi.