Yuqori Chirchiq tumani hokimiga tegishli mashina 16 yoshli qizni urib yuborgan. Qiz ogʻir tan jarohatlaridan vafot etdi

14:06 23 Avgust 2021 Jamiyat
688 0

Toshkent viloyatining Yuqori Chirchiq tumani hokimiga tegishli mashina voyaga yetmagan qizni urib yubordi. Bu haqda Bosh prokuratura matbuot xizmati “Xalq soʻzi”ga maʼlum qildi.

Maʼlum qilinishicha, 20-avgust kuni «Kaptiva» rusumli davlat raqami 10 020 DAV haydovchisi U.A. (1994-y.t. haydovchi) yoʻlni kesib oʻtayotgan piyoda voyaga yetmagan qizni (2005-y.t., maktab oʻquvchisi)ni urib yuborgan.

Natijada piyoda Yuqorichirchiq tuman markaziy shifoxonasiga olib ketilayotgan vaqtda olgan ogʻir tan jarohatlaridan vafot etgan.

Mazkur holat yuzasidan 21.08.2021-yilda Yuqorichirchiq tuman IIB huzuridagi Tergov boʻlimi tomonidan JKning 266-moddasi 2-qismi bilan jinoyat ishi qoʻzgʻatilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?