Vazirlar Mahkamasining ayrim qarorlariga oʻzgartirish va qoʻshimchalar kiritiladi. Bu haqda Hukumatning muhokamaga qoʻyilgan Yoshlar ishlari agentligi faoliyatini tartibga solish sohasidagi normativ-huquqiy hujjatlarni tasdiqlashga oid qarori loyihasida aytib oʻtilgan.

Vazirlar Mahkamasining 2020-yil 11-sentyabrdagi 550-son qarori bilan tasdiqlangan Oʻzbekiston Respublikasi Yoshlar ishlari agentligi toʻgʻrisidagi nizomda:

39-bandda qoʻyidagicha oʻzgartirish qoʻshilishi taklif etilmoqda:

«391. Agentlikning markaziy apparati va hududiy boʻlinmalari xodimlarining ish haqi qonunchilikda nazarda tutilgan lavozim maoshi, qoʻshimchalar, ustamalar va boshqa ragʻbatlantiruvchi toʻlovlardan tashkil topadi;

Agentlikning markaziy apparati va hududiy boʻlinmalari xodimlariga uzoq muddat xizmati uchun har oyda quyidagi miqdorda ustama haq toʻlanadi (ragʻbatlantirish koeffitsiyentini hisobga olgan holda, lavozim maoshiga nisbatan koeffitsiyent hisobida):

1 yildan 3 yilgacha — 0,5;

3 yildan 5 yilgacha — 0,8;

5 yildan 10 yilgacha — 1,0;

10 yildan 15 yilgacha — 1,2;

15 yildan ortiq — 1,5»;

40-band quyidagi tahrirda bayon etiladi:

“40. Agentlik markaziy apparati va uning hududiy boʻlinmalari xodimlarining uzoq muddat xizmati uchun haq olish huquqini beruvchi ish staji, Agentlik tomonidan tasdiqlangan tartibga muvofiq hisoblab chiqiladi”.