Foto: Toshkent viloyati hokimligi

Bugun, 15-noyabr kuni Sultanov Dilshod Shuxratovich Yangiyoʻl shahar hokimi lavozimidan ozod etildi. Bu haqda Toshkent viloyati hokimligi axborot xizmati xabar berdi.

Maʼlum qilinishicha, ayni vaqtda Xalq deputatlari Yangiyoʻl shahar kengashining navbatdan tashqari sessiyasi boʻlib oʻtmoqda. Unda hududdan saylangan deputatlar, shahar huquq-tartibot organlari, hududdagi korxona va tashkilot rahbarlari, faollar qatnashmoqda.

Sessiya ishida Toshkent viloyati hokimi Zoyir Mirzayev ishtirok etib, kun tartibidagi masalalar yuzasidan tanqidiy-tahliliy nutq soʻzlagan.

Xususan, viloyat hokimining Sultanov Dilshod Shuxratovichni shahar hokimi lavozimidan ozod etish toʻgʻrisidagi qarori tasdiqlangan.

Shundan soʻng Raimov Ravshan Isakdjanovich Yangiyoʻl shahri hokimi etib tayinlandi.

Ravshan Raimov 1976-yil Toshkent shahrida tugʻilgan. Maʼlumoti oliy. Mutaxassisligi-iqtisodchi.

U faoliyati davomida Davlat soliq tizimida bir qator rahbarlik lavozimlarda, shuningdek, 2020-2023-yillarda Toshkent viloyati davlat soliq boshqarmasi boshligʻi vazifasida ishlagan.

Tayinlovga qadar, Toshkent shahar davlat soliq boshqarmasi boshligʻi oʻrinbosari vazifasida ishlab kelayotgan edi.