Yangi yadroviy raketa muvaffaqiyatli sinovdan oʻtdi — Vladimir Putin
Rossiya rahbari “Burevestnik” yadroviy kruiz raketasini sinovdan oʻtganini maʼlum qildi. Bu haqida “Bild” nashri xabar berdi.
Rossiya qurolli kuchlari bosh shtabi boshligʻi Valeriy Gerasimovning soʻzlariga koʻra, raketa 14 ming kilometr masofani uchib oʻtgan hamda sinov yakunlanishidan oldin 15 soat davomida havoda qolgan. Shuningdek u, sinov jarayonlarida mazkur raketaning imkoniyatlari toʻliq namoyish qilinmaganini qoʻshimcha qilgan.
Rossiya rahbari Vladimir Putin ushbu raketaning sinovi muvaffaqiyatli yakunlangani haqidagi hisobotni qabul qilgan hamda “Burevestnik”ni “noyob mahsulot” deb atagan.
Maʼlumot uchun, “SSC-X-9 Skyfall” nomi bilan tanilgan mazkur raketa yadroviy energiyaga ega boʻlib, bu unga uzoq masofaga uchish imkoniyatini beradi hamda uning trayektoriyasini ushlash uchun oldindan aytib boʻlmaydigan sharoit yaratadi.
Baʼzi tahlilchilarning fikricha, raketa sinovi AQSHning Rossiyaga qarshi yangi sanksiyalari bilan bir vaqtga toʻgʻri kelgan. Bu esa Kremldan Vashingtonga Moskva bosim ostida chekinmoqchi emasligi haqida namoyishkorona signal sifatida qaralishi mumkin.
Putin shuningdek, sinov bosqichi tugaganini va Rossiya yangi qurollarni joylashtirishga tayyorgarlik koʻrishni boshlaganini taʼkidlagan.
Tavsiya etamiz
Ko‘p o‘qilganlar
- G20 sammitining Janubiy Afrikada oʻtkazilishi sharmandali holat – Tramp
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
- Turkiya sudi Netanyahuni Gʻazoda genotsid sodir etganlikda ayblab, hibsga olish orderini maʼqulladi
- Rossiya NATOga hujum qilish uchun shay holatda — Bundesver generali
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring