Yevropa Chempionlar ligasining yangi formatidagi birinchi kun oʻyinlari boʻlib oʻtdi. Qayd etish kerakki, birinchi kunda sensatsion natijalar qayd etilmadi. “Bavariya” “Dinomo Zagreb” darvozasiga 9 ta gol urdi, Keyndan poker, “Liverpul” “Milan”ni yengdi, “Real” va “Yuventus”da ishonchli gʻalaba qayd etildi.

“Real” Madridda Germaniyaning “Shtutgart” jamoasini qabul qildi. Birinchi boʻlimda koʻplab vaziyatlar yaratilgan boʻlsa-da, ikki tomon ham darvozlarga yoʻl topa olmadi. Ikkinchi boʻlim boshida esa Kilian Mbappe hisobni ochdi.

68-daqiqada nemislar safida oʻynayotgan Undav hisobni tenglashtirdi. 83-daqiqada esa Antonio Ryudiger, oʻyin oxirida esa Endrik yakuniy golni urdi va “qaymoqranglilar” 3:1 hisobidagi gʻalabani rasmiylashtirdi.

“Liverpul” esa “Milan” ustidan 3:1 hisobida ustun keldi. Mersisaydliklar safida Konate, van Deyk va Soboslay gol urdi, milanliklar tarkibida Pulishich oʻz nomini tabloga yozdirib qoʻydi.

“Bavariya” “Dinamo Zagreb”ni 9:2 hisobida yengdi. Kompani shogirdlaridan Harri Keyn poker qayd etgan boʻlsa, Olise esa dubl muallifi boʻldi. Shuningdek, Sane, Goretska va Gerreyru hisobiga ham gol yozildi. Keyingi raqib “Barselona”.

“Yuventus” oʻz uyida Niderlandiyaning “PSV” klubiga qarshi maydonga chiqdi va 3:1 hisobida gʻalaba qozondi. Turinliklar safida Yildiz, Makkenzi va Gonsales gol muallifi boʻlgan boʻlsa, Niderlandiya klubi tarkibida Saybari darvozani ishgʻol qildi.

Avvalroq, QQS toʻlovchilari soni deyarli 5 foizga oshgandi.