Vatanga muhabbatni Maradonadan oʻrganish kerak

18:31 26 Noyabr 2020 Sport
235 0

1990-yil 8-iyul. Rimdagi “Olimpiada” stadionida futbol boʻyicha jahon chempionatining Germaniya va Argentina terma jamoalari oʻrtasidagi final bahsi tugadi. Oʻyin tugashiga besh daqiqa qolganida meksikalik arbitr Kodesal tomonidan argentinaliklar darvozasiga belgilangan shubhali penalti nemislarga uchinchi bor chempionlikni taqdim etdi.

Vitse-chempionni taqdirlash marosimida argentinalik futbolchilar rasmiy tashkilotchilardan tabrikni qabul qilib, medalni osib qoʻyishlariga oson boʻlishi uchun boshlarini egib turishardi. Yolgʻiz Maradonagina bunday qilmadi. U medalni FIFA prezidenti qoʻlidan olib, oʻzi boʻyiniga taqdi. Bu koʻz yoshlarini tiya olmayotgan Diyegoning futboldagi gʻirromlik va oʻz vataniga nisbatan adolatsizlikka isyoni edi.

Qaysidir davrada Vatanga muhabbat haqida soʻz ketsa, Maradonaning mana shu jasorati koʻz oʻngimga keladi.

Temur ESHBOYEV,
(“Xalq soʻzi”).

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?