Ulugʻbek Qosimov Surxondaryo viloyati hokimi lavozimiga tayinlandi
Foto: president.uz
Termiz shahrida Xalq deputatlari Surxondaryo viloyati Kengashi sessiyasi boʻlib oʻtdi. Unda Prezident Shavkat Mirziyoyev ishtirok etdi.
Sessiyada tashkiliy masala koʻrib chiqildi. Prezident viloyat faollarining bildirgan fikrlari asosida Surxondaryo viloyati hokimi lavozimiga hokim vazifasini bajarib kelayotgan Qosimov Ulugʻbek Berdiqobilovich nomzodini tavsiya etdi.
Nomzodning viloyatda aholi bandligini taʼminlash va daromadini oshirish, qishloq xoʻjaligi va sanoatni rivojlantirish, ijtimoiy sohadagi mavjud muammolarni hal etish boʻyicha rejalari eshitildi va muhokama qilindi.
Soʻng Surxondaryo viloyati hokimini tayinlash masalasi ovozga qoʻyildi. Ovozga qoʻyish natijalariga koʻra, Ulugʻbek Qosimov Surxondaryo viloyatining hokimi etib tasdiqlandi.
Prezident sessiyada bildirilgan reja va takliflardan kelib chiqib, yangi hokim va mutasaddilar oldida viloyatni yanada rivojlantirish boʻyicha turgan vazifalarni belgilab berdi.
Tavsiya etamiz
Ko‘p o‘qilganlar
- Prezident Oʻzbekiston oʻqituvchi va murabbiylariga tabrik yoʻlladi
- Oʻzbekiston va Turkmaniston: barqaror rivojlanish yoʻlidan borayotgan davlatlar
- Saudiya Arabistonida “Oʻzbekiston madaniyati kunlari” davom etmoqda
- Toshkentda “Oʻzbekkosmos” va “NASA” agentliklari hamkorligida “NASA Space Apps Challenge 2025” Hakaton tadbiri oʻtkazilmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- Tuman va shahar hokimi oʻrinbosarlari soni qisqartiriladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring