Toʻrt nafar bokschimiz Rossiya poytaxti Moskva shahrida harbiy bokschilar oʻrtasida oʻtkazilgan jahon chempionatining final bellashuvlarida ishtirok etdi.

Jumladan, xotin-qizlar oʻrtasida -75 kg. vazn toifasida Mavluda Mavlonova finalda Belarus vakilasi Viktoriya Kebikovaga qarshi jang qilib, katta ustunlik evaziga gʻalaba qozondi va musobqaning oltin medali bilan taqdirlandi.

-60 kg vazn tofiasida Shunqor Abdurasulov esa finalda rossiyalik Konstantin Opolskiyga qarshi bahs olib borib, muvaffaqiyatga erishdi. U ham musobqaning oltin medali bilan taqdirlandi. 

- 64 kg vazn toifasida bokschimiz Mujibillo Tursunov afsuski finalda belaruslik Dmitriy Asanovga imkoniyatni boy berib qoʻydi. 

+91 kg vaznli bokschimiz Lazizbek Mullojonov finalda rossiyalik Svetoslav Teteringa qarshi ringga koʻtarildi va gʻalaba qozondi.

Musobaqada Aziza Yoqubova (-51 kg.), Rayhona Qodirova (-60 kg.) va Navbahor Hamidova (-69 kg.) oʻz vazn toifasida bronza medallarni qoʻlga kiritdi.

Shu tariqa jahonning 36 mamlakatidan 292 nafar bokschi ishtirok etgan dunyo birinchiligida oʻzbekistonlik charm qoʻlqop ustalari 7 ta medalni qoʻlga kiritishdi.