Тўрт нафар боксчимиз Россия пойтахти Москва шаҳрида ҳарбий боксчилар ўртасида ўтказилган жаҳон чемпионатининг финал беллашувларида иштирок этди.

Жумладан, хотин-қизлар ўртасида -75 кг. вазн тоифасида Мавлуда Мавлонова финалда Беларусь вакиласи Виктория Кебиковага қарши жанг қилиб, катта устунлик эвазига ғалаба қозонди ва мусобқанинг олтин медали билан тақдирланди.

-60 кг вазн тофиасида Шунқор Абдурасулов эса финалда россиялик Константин Опольскийга қарши баҳс олиб бориб, муваффақиятга эришди. У ҳам мусобқанинг олтин медали билан тақдирланди. 

- 64 кг вазн тоифасида боксчимиз Мужибилло Турсунов афсуски финалда беларуслик Дмитрий Асановга имкониятни бой бериб қўйди. 

+91 кг вазнли боксчимиз Лазизбек Мулложонов финалда россиялик Светослав Тетеринга қарши рингга кўтарилди ва ғалаба қозонди.

Мусобақада Азиза Ёқубова (-51 кг.), Райҳона Қодирова (-60 кг.) ва Навбаҳор Ҳамидова (-69 кг.) ўз вазн тоифасида бронза медалларни қўлга киритди.

Шу тариқа жаҳоннинг 36 мамлакатидан 292 нафар боксчи иштирок этган дунё биринчилигида ўзбекистонлик чарм қўлқоп усталари 7 та медални қўлга киритишди.