Foto: Reuters

Urushlar, qashshoqlik va iqlim ofatlari sharoitida majburiy mehnat tuzogʻiga tushgan bolalar soni yildan yilga oʻsishda davom etmoqda.

Xalqaro tashkilotlar maʼlumotlariga koʻra, ayni paytda dunyo boʻylab 3,3 milliondan ortiq bola muntazam xavfli va ogʻir sharoitlarda – shaxtalarda, konlarda, fabrikalarda va shaxsiy uylarda ishlashga majbur boʻlmoqda.

Bu borada Bangladesh, Suriya va Kongo Demokratik Respublikasi kabi davlatlarda vaziyat xavotirga solmoqda. Majburiy mehnat tizimi tuzogʻida qolgan bolalarning yarmi jinsiy ekspluatatsiya, odam savdosi qurboniga aylanmoqda. Ayniqsa, ota-onasiz qochqin bolalar, nogiron bolalar va mehribonlik uylaridagi bolalar xavf ostida.

BMT maʼlumotlariga koʻra, 2005-yildan 2022-yilgacha 105 mingdan ortiq bola qurolli guruhlarga majburan jalb qilingan. Ulardan askarlar, sapyorlar yoki tirik qalqon sifatida foydalanilgan.

“Qizlar koʻpincha turmushga chiqishga majburlanadi yoki jinsiy zoʻravonlikka duchor boʻladi”, — deydi ekspertlar.

Birlashgan Millatlar Tashkilotining Narkotiklar va jinoyatchilik boʻyicha boshqarmasining ogohlantirishicha, daromadi past boʻlgan mamlakatlarda odam savdosidan jabr koʻrayotgan har ikkinchi odam bolalar boʻlmoqda.