Turkmanistonliklarning mamlakatimizga tashrif buyurishi 2,5 barobarga oʻsdi
2025-yilning yanvar-mart oylarida Turkmanistondan Oʻzbekistonga sayohat qilgan fuqarolar soni keskin oshgan. Bu haqda Milliy statistika qoʻmitasi berdi.
Dastlabki maʼlumotlarga koʻra, ushbu uch oylik davrda 77,9 ming nafar turkmanistonlik turist Oʻzbekistonga tashrif buyurgan. Bu koʻrsatkich 2024-yilning shu davri bilan solishtirilganda 46,9 ming nafarga koʻp boʻlib, 2,5 barobar oʻsish qayd etilgan.
Tashrif buyurganlarning aksariyati – 54 ming 215 nafari sayyohlik maqsadida kelgan boʻlsa, 16 ming 142 nafari xizmat safarida boʻlgan.
Shuningdek, 5 ming 27 nafar fuqaro qarindoshlarini yoʻqlash uchun, 1 ming 848 nafari oʻqish, 556 nafari tijorat, 106 nafari esa davolanish maqsadida Oʻzbekistonga kelgan.
Ushbu maʼlumotlar Oʻzbekiston va Turkmaniston oʻrtasidagi yaqin qoʻshnichilik aloqalarining turizm sohasi orqali ham izchil rivojlanib borayotganini koʻrsatadi. Tashrif maqsadlarining xilma-xilligi esa ikki mamlakat oʻrtasidagi madaniy, ijtimoiy va iqtisodiy aloqalarning yanada mustahkamlanib borayotganidan dalolat beradi.
Tavsiya etamiz
Ko‘p o‘qilganlar
- Ish haqi, pensiya, nafaqa va stipendiyalar miqdori 10 foizga oshiriladi
- Olimlar Alsgeymer kasalligidan himoya qiluvchi parhez haqida maʼlumot berishdi
- Eron va Isroil oʻrtasidagi ziddiyatlar xronologiyasi yoxud bugungi “urush”ning ildizi qayerda?
- Dollar kursi oshishda davom etmoqda
- Parkentda yiliga 20 ming sayyohni qabul qiladigan turistik majmua ochilmoqda
- Oʻzgarishlarni soʻz bilan uygʻotgan jurnalist
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring