Turkiyadagi oʻzbekistonliklar hushyorlikka chaqirildi
Foto: Getty Images
Oʻzbekistonning Istanbul shahridagi Bosh konsulxonasi vatandoshlarni jamoat joylarida hushyor boʻlishga chaqirdi.
Qayd etilishicha, Bosh konsulxona xodimlari va Turkiya IIV Politsiya tashkiloti vakillari oʻrtasida maslahatlashuv oʻtkazilgan. Unda 23-oktyabr kuni Anqara shahrida sodir etilgan terrorchilik hujumi oqibatlari va jamoat xavfsizligini taʼminlash chora-tadbirlari muhokama qilingan.
“Shu munosabat bilan, vatandoshlarimizdan jamoat joylarida hushyorlikni oshirishlari va ehtiyot choralarini koʻrishlari, ayniqsa aeroport, temir-yoʻl vokzali, avtoshohbekat, kemalar stansiyalarida, metro va boshqa jamoat transportida xavfsizlik qoidalariga amal qilishlari soʻraladi”, deyiladi xabarda.
Shuningdek, Turkiyadan chiqib ketish arafasida boʻlgan fuqarolarga aeroportlarga qayddan oʻtish (registratsiya) vaqtidan kamida 1 soat oldin yetib borish, shubhali buyumlar va shaxslar toʻgʻrisida yaqin oradagi politsiya yoki xavfsizlikni taʼminlash boʻlinmalariga xabar berish tavsiya etilgan.
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Shavkat Mirziyoyev Vashington shahrida Tinchlik kengashining dastlabki yigʻilishida ishtirok etdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring