Turizm mahallasi avgustda tayyor boʻladi
![](https://xs.uz/upload/post/2020/07/23/c7e6b1dbc6ac8cbd4f6ccb541d5567bf0723.jpg)
Samarqand shahridagi “Bogʻibaland” mahallasida namunaviy turdagi turizm mahallasini tashkil etish boʻyicha qurilish, obodonlashtirish ishlari qizgʻin davom etyapti.
Ayni paytda, hududda viloyat turizmni rivojlantirish departamenti tomonidan sayyohlarning mazkur mahalla toʻgʻrisida batafsil maʼlumotga ega boʻlishlari uchun axborot stendlari tashkil qilinmoqda.
Bugungi kunda mahallada sayyohlar orasida katta talabga ega boʻlishi kutilayotgan sayyohlik dasturini yaratish boʻyicha amaliy ishlar qizgʻin tus olgan. Anjirzor koʻchasi boʻylab mehmon uylari, animatsiya markazlari va maishiy xizmat koʻrsatish shoxobchalari faoliyati yoʻlga qoʻyilmoqda. Shuningdek, 40 gektarlik hududda 2 ta kichik mehmonxona ham barpo etilmoqda. Qolaversa, agro va ekoturizmni rivojlantirish borasidagi saʼy-harakatlar hademay yakuniga yetkaziladi.
Mahallada mahalliy va xorijiy sayyohlarga yetarli darajada xizmat koʻrsatish maqsadida savdo majmuasi, oziq-ovqat shoxobchalari, maishiy xizmat koʻrsatish obyektlari, sanitariya-gigiyena markazlarini tashkil etish rejalashtirilgan.
Barcha bunyodkorlik va obodonlashtirish ishlari joriy yilning avgust oyida tugatilishi koʻzda tutilgan.
Abdulaziz Yoʻldoshev
(Xalq soʻzi)
Tavsiya etamiz
Ko‘p o‘qilganlar
- Dam olish kunlari harorat +27 darajagacha pasayadi
- “Barselona”ga kelgan Dani Olmo klubni qiyin ahvolga solib qoʻydi
- Bir oylik harbiy xizmat toʻlovi miqdori oshiriladi
- Mbappe “Real” uchun gol urgan oʻyinda UYEFA Superkubogiga ega chiqdi
- “Andijon” klubi futbolchisi Milliy gvardiya xodimini urib, jarohat yetkazdi
- YHXB: Tartibga solinmagan oʻtish joyidan oʻtayotgan piyodalardan qoʻllarini baland koʻtarishni soʻraymiz
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring