Foto: Reuters

Oq uy davlat xaridlari bilan shugʻullanuvchi Umumiy xizmatlar maʼmuriyatiga barcha ommaviy axborot vositalari bilan tuzilgan shartnomalarni bekor qilishni buyurdi. Bu haqda “Axios” xabar bermoqda.

Oldinroq, amerikalik tadbirkor Ilon Mask davlatning ommaviy axborot vositalariga sarflagan xarajatlari, xususan, “Associated Press” axborot agentligiga obuna boʻlish soliq toʻlovchilarning pullarini behuda sarflash ekanligini va bu qisqartirilishini aytgandi.

Bungacha Mask “X” ijtimoiy tarmogʻi foydalanuvchisi tomonidan AQSH soliq tushumlari mahalliy “Politico” gazetasiga yoʻnaltirilayotgani haqidagi postiga ham javob bergan edi. Milliarderning yozishicha, koʻplab ommaviy axborot vositalari daromadlarning sirli pasayishiga duch kelmoqda.

“Umumiy xizmatlar maʼmuriyati jamoasi, iltimos, ikkita narsani qiling. «Politico”, “BBC”... va “Bloomberg” ishtirokidagi barcha shartnomalarni bekor qiling... Bugun har bir media shartnomasini bekor qiling”, — deya portal AQSH prezidenti Donald Tramp maʼmuriyati rasmiysi tomonidan agentlikka yoʻllangan maktubdan iqtibos keltirmoqda.

Umumiy xizmatlar maʼmuriyati hukumat uchun xaridlar va texnik xizmatlar uchun javobgardir.