Foto: Prezident matbuot xizmati

Kelgusi oʻn yilda Oʻzbekiston Amerikaning muhim tarmoqlariga 100 milliard dollardan ortiq investitsiya kiritadi va xaridlarni amalga oshiradi. Bu haqda AQSh Prezidenti Donald Tramp “Truth Social” ijtimoiy tarmogʻidagi sahifasida yozib qoldirdi.

“Amerika Qoʻshma Shtatlari va Oʻzbekiston oʻrtasidagi misli koʻrilmagan savdo-iqtisodiy kelishuvni eʼlon qilishdan mamnunman. Yaqin uch yil ichida Oʻzbekiston Amerikaning muhim minerallar, aviatsiya, avtomobil butlovchi qismlari, infratuzilma, qishloq xoʻjaligi, energetika va kimyo, axborot texnologiyalari va boshqa muhim tarmoqlariga qariyb 35 milliard dollar, kelgusi oʻn yilda esa 100 milliard dollardan ortiq investitsiya kiritadi va xaridlarni amalga oshiradi”, deb yozadi Tramp.

AQSh Prezidenti, shuningdek, Oʻzbekistonning Prezidenti Shavkat Mirziyoyevga minnatdorlik bildirib, ikki mamlakat oʻrtasidagi uzoq muddatli va samarali munosabatlarni intizorlik bilan kutishini qayd etgan.

Avvalroq Oʻzbekiston va AQSh oʻrtasida savdo-iqtisodiy sheriklik boʻyicha qator bitimlar imzolangani haqida xabar berilgan edi.