Tojikiston Prezidenti o‘z xalqini O‘zbekiston bilan do‘stona rishtalarni mustahkamlashga chaqirdi
Tojikiston Prezidenti Emomali Rahmon So‘g‘d viloyatiga qilgan ishchi tashrifi chog‘ida bu yerdagi Shahriston tumani aholisi bilan uchrashdi va mahalliy xalqni O‘zbekiston bilan do‘stlik aloqalarini mustahkamlashga chaqirdi.
Tojikiston Prezidenti matbuot xizmati xabariga ko‘ra, Emomali Rahmon O‘zbekiston bilan chegaradosh bo‘lgan tuman faollari oldida qilgan chiqishida o‘zbeklar bilan do‘stlik rishtalari va biznes aloqalarni mustahkamlashga da’vat etar ekan, Shahristonda tojiklar va o‘zbeklar tinch-totuv va hamjihatlikda yashab kelayotganini eslab o‘tdi.
“Siz bizning do‘stligimiz ko‘p asrlik ildizlarga ega ekanligi, uning boshida tojik va o‘zbek xalqlari farzandlari Mavlono Abdurahmon Jomiy va Alisher Navoiy turganini esda tutishingiz lozim”, dedi Tojikiston rahbari.
Shuningdek, Tojikiston rahbari tinchlik va barqarorlik hukmronlik qilayotgan, xalqlari do‘stlik va qardoshlikda yashayotgan davlatlar uzluksiz rivojlanishi, ularning dunyo bo‘ylab nufuzi oshishini ta’kidladi.
Tavsiya etamiz
Ko‘p o‘qilganlar
- Oʻzbekistondagi Islom sivilizatsiyasi markazi va BAAning “Manara” markazi oʻrtasida hamkorlik memorandumi imzolandi
- Ehtiyojmand oilalarga elektr va gaz boʻyicha kompensatsiya beriladi
- Oʻzbekistonda doimiy aholi soni har kuni necha kishiga oshyapti?
- Bahodir Jalolov professional boksda ilk bor toʻliq 10 raund jang oʻtkazdi
- Shahram Gʻiyosov tajribali raqibini muddatdan oldin magʻlub etdi
- Tanzila Narbayeva Parlamentlararo ittifoqning 150-yubiley assambleyasi Prezidenti etib saylandi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring