Toshkentdagi klinikada 8 yoshli bolaning vafot etgani yuzasidan jinoyat ishi qoʻzgʻatildi
Toshkentdagi xususiy klinikada 8 yoshli bolaning vafot etganligi yuzasidan jinoyat ishi ochildi. Bu haqda Bosh prokuratura matbuot kotibi Hayot Shamsutdinov xabar qildi.
Maʼlumotlarga koʻra, joriy yilning 25-avgust kuni bola Toshkent shahridagi “Paeonnis” xususiy klinikasida burun boʻyicha operatsiya (rinoplastika) qilingan va undan soʻng hayotdan koʻz yumgan.
Ushbu holat yuzasidan vaziyatga aloqador shaxslarni batafsil soʻroq qilish, yuzlashtirish, qoʻp vaqt talab qilinadigan murakkab ekspertizalar tayinlash va boshqa bir qator tergov harakatlarini oʻtkazmasdan qonuniy toʻxtamga kelish imkoni yoʻqligi sababli Jinoyat kodeksining 116-moddasi, yaʼni kasb yuzasidan oʻz vazifalarini lozim darajada bajarmaslik bilan jinoyat ishi qoʻzgʻatildi.
Shu bilan birga, barcha zarur tergov harakatlari oʻtkazilganidan soʻng ish boʻyicha qonuniy toʻxtamga kelinishi taʼkidlandi.
“Marhumning yaqinlariga chuqur taʼziya izhor etamiz va hamdardligimizni bildiramiz”, deyiladi xabarda.
Tavsiya etamiz
Ko‘p o‘qilganlar
- “Bunyodkor” murabbiyi Sergey Arslanov vafot etdi
- Oʻzbekistonda dollar kursi pastladi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring