Toshkentdagi “Aviator” savdo majmuasida yongʻin chiqdi. Qurbon bor
Ijtimoiy tarmoqlarda Toshkent shahri Yashnobod tumanida yongʻin sodir boʻlganligi toʻgʻrisida xabarlar keng tarqaldi. Mazkur holat yuzasidan Favqulodda vaziyatlar vazirligi munosabat bildirdi.
Unda aytilishicha, bugun, 31-yanvar kuni soat 15:47 da Toshkent shahar, Yashnobod tumani, Parkent yoʻli koʻchasida joylashgan “Aviator” savdo majmuasida yongʻin boʻlayotganligi toʻgʻrisida Toshkent shahar Favqulodda vaziyatlar boshqarmasiga murojaat kelib tushgan.
Mazkur murojaatga asosan qutqaruv ekipajlari soat 15:53 da voqea joyiga yetib borib, birinchi navbatda bino ichidagi barcha fuqarolarni evakuatsiya qilgan. Yongʻin soat 16:50 da qurshab olinib, soat 17:17 da toʻliq oʻchirilgan.
Soʻnggi maʼlumotlarga koʻra, yongʻindan soʻng olib borilgan dastlabki oʻrganish ishlari davomida vayronalar ostidan bir nafar fuqaroning jasadi topilgan. Ayni vaqtda yongʻinning kelib chiqish sabablari va zarar miqdori aniqlanmoqda.
Tavsiya etamiz
Ko‘p o‘qilganlar
- Prezident Oʻzbekiston bojxona sohasi xodimlariga tabrik yoʻlladi
- Toshkentda Osiyo Olimpiya kengashiga yangi rahbar saylandi (+fotoreportaj)
- “Yangi Oʻzbekiston yulduzlari” milliy mukofoti xalqaro darajaga koʻtarilmoqda
- AQSH Adliya vazirligi Epshteyn ishi boʻyicha 3 millionta faylni eʼlon qildi
- Tramp Kubadan kelayotgan tahdid sabab AQSHda favqulodda holat eʼlon qildi
- Toshkentdagi Xalqaro kongress markazida Osiyo Olimpiya kengashining 46-Bosh Assambleyasi boʻlib oʻtmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring