Toshkentda qilichbozlik boʻyicha Jahon kubogi boshlandi

10:30 09 Dekabr 2021 Sport
443 0

Bugun poytaxtimizda qilichbozlik boʻyicha yoshlar oʻrtasida Jahon kubogi bahslari boshlandi. 20 yoshgacha boʻlgan oʻgʻil bolalar oʻrtasida tashkil etilayotgan mazkur musobaqa shpaga, rapira va sablya dasturlarida yakkalik hamda jamoaviy yoʻnalishda tashkil etilmoqda.

Bu galgi bellashuvlarda Rossiya, BAA, Xorvatiya, Ozarbayjon, Belarus, Hindiston, Isroil, Qirgʻiziston, Shveysariya, Ukraina, Turkiya, Polsha, Saudiya Arabistoni, Qozogʻiston davlatlaridan 260 dan ortiq sportchi ishtirok etmoqda.

Reglamentga koʻra, bugun rapira boʻyicha yakkalik bellashuvlarida gʻolib va sovrindorlar aniqlab olinadi. 

Мusobaqa Singapur menejmentni rivojlantirish instituti sport majmuasida oʻtkazilmoqda. 

Musobaqa tavqimi quyidagicha:

9-dekabr: Rapira boʻyicha yakkalik

10-dekabr: Shpaga boʻyicha yakkalik, rapira boʻyicha jamoaviy

11-dekabr: sablya boʻyicha yakkalik, shpaga boʻyicha jamoaviy

12-dekabr: sablya boʻyicha jamoaviy.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?