Toshkentda Osiyo va Okeaniya mamlakatlari sport vazirlarining yigʻilishi boʻlib oʻtadi

23:23 13 May 2024 Sport
216 0

Butunjahon antidoping agentligi (WADA)ning navbatdagi 19-hukumatlararo Osiyo va Okeaniya mamlakatlari sport vazirlarining yigʻilishi joriy yilning 22-23-may kunlari Toshkent shahrida boʻlib oʻtadi.

Ushbu nufuzli tadbirda WADA prezidenti Vitold Banka va Bosh kotibdan tashkil topgan agentlik rahbariyati, shuningdek, 34 ta davlatdan sport vazirlari, vazir oʻrinbosarlari va antidoping sohasiga masʼul boʻlgan mutasaddilar ishtirok etadi.

Tadbirda Oʻzbekiston Milliy antidoping agentligi va Butunjahon antidoping agentligi oʻrtasida antidoping sohasidagi ishlarni yanada rivojlantirishga qaratilgan hamkorlik memorandumini imzolash rejalashtirilgan.

Bundan tashqari, anjumanda antidoping sohasida amalga oshirilayotgan ishlar, erishilgan yutuqlar, kamchiliklar va oldindagi rejalar haqida soʻz yuritiladi hamda turli kelishuv shartnomalari imzolanadi. Shuningdek, mamlakatlarda sport sohasida amalga oshirilayotgan ishlar va oldindagi rejalar haqida tor doiradagi uchrashuvlar oʻtkazilishi rejalashtirilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер