Toshkentda 19 yoshli qiz harakatdagi mashinadan oʻzini tashladi
Videodan kadr
Ijtimoiy tarmoqlarda qiz harakatdagi avtomashina eshigini ochib, undan sakragani aks etgan video tarqaldi. Toshkent shahar Ichki ishlar bosh boshqarmasi mazkur holat yuzasidan izoh berdi.
Qayd etilishicha, voqea kecha, 7-iyul kuni taxminan soat 11:00 larda Mirzo Ulugʻbek tumani Mustaqillik koʻchasida sodir boʻlgan. 24 yoshli X.A. (yigit) “Nexia” rusumli avtomashinani boshqarib ketayotib, oldindan tanishi boʻlgan 19 yoshli B.J. (qiz) bilan oʻzaro kelishmovchilik oqibatida tortishib qolgan. Soʻng fuqaro B.J. harakatlanib ketayotgan avtomashina eshigini ochib, yoʻlning qatnov qismiga sakragan.
Shu hududda xizmat olib borayotgan tuman IIO FMB xodimlari zudlik bilan qizga birinchi tibbiy yordam koʻrsatib, shifoxonaga olib borgan. Birlamchi tibbiy maʼlumotga koʻra, B.J.ga “peshona va chap yonoq sohasi yumshoq toʻqimalari lat yeyishi hamda teri osti gematomasi” tashxisi qoʻyilgan.
IIBBga koʻra, hozirda mazkur holat yuzasidan tergovga qadar tekshiruv oʻtkazilmoqda. Tekshiruv yakuni boʻyicha qonuniy qaror qabul qilinishi taʼminlanadi.
Tavsiya etamiz
Ko‘p o‘qilganlar
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring