Yuqorichirchiqda 18 yoshli oʻsmir avtohalokat qurboni boʻldi

00:09 12 Oktyabr 2021 Jamiyat
476 0

Yuqorichirchiq tumanida rul boshqaruvini yoʻqotgan avtomobil beton devorga urildi. Bu haqda Yoʻl harakati xavfsizligi Bosh boshqarmasi xabar berdi.

Joriy yilning 1-sentabr kuni soat 14:00 da Toshkent viloyati Yuqorichirchiq tumani hududidan oʻtgan 4P-15 “Qiziltogʻ-Yangibozor” avtomobil yoʻlining 67-kilometrida haydovchilik guvohnomasiga ega boʻlmagan 2003-yilda tugʻilgan haydovchi “Vaz-2107” rusumli avtomobilda “Yangibozor-Parkent” yoʻnalishida harakatlangan. Natijada rul boshqaruvini yoʻqotgan va yoʻldan chiqib ketib, chap tomonda boʻlgan beton devorga urilgan.

Oqibatda, haydovchi ogʻir tan jarohatlari olib shifoxonada vafot etgan.

Mazkur YTH yuzasidan Yuqorichirchiq tumani IIB huzuridagi tekshiruv boshqarmasi tomonidan tergov harakatlari olib borilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?