“Toʻraqoʻrgʻon issiqlik elektr stansiyasi”ning ikkinchi energobloki qayta ishga tushirildi

Energetika vazirligi tizimidagi “Toʻraqoʻrgʻon issiqlik elektr stansiyasi”da Yangi 2022-yilning ilk bayram kunlarida 2-energoblok Havoni kompleks tozalash uskunasida (KVOU) 1- va 2-pogʻona havo filtrlarini yangilash boʻyicha rejada koʻzda tutilgan ishlar tashkil qilindi.
Bu haqda “Issiqlik elektr stansiyalari” AJ maʼlum qildi.
Ishlar elektr stansiyasi mutaxassislaridan iborat maxsus brigadalar tomonidan “Issiqlik elektr stansiyalari” hamda “Oʻzbekenergotaʼminlash” aksiyadorlik jamiyatlari masʼul xodimlari, shuningdek, havo filtrlarini yetkazib beruvchi “EMW Filtertechnik rus” (Rossiya) kompaniyasi va loyiha bosh pudratchisi MHPS konsorsiumi vakillari ishtirokida amalga oshirildi.
Masʼuliyatli va muhim hisoblangan ushbu tadbir davomida 2-energoblokning 624 ta 2-pogʻona filtrlari “EMW Filtertechnik rus” kompaniyasining yangi filtrlari bilan almashtirildi, 624 ta 1-pogʻona havo filtrlari oʻrniga esa “TOM PROF” korxonasi (Oʻzbekiston, Navoiy viloyati) tomonidan ishlab chiqarilgan kasseta tipidagi yangi havo filtrlari oʻrnatildi.
Stansiyaning qish kunlarida ishonchli ishlashini taʼminlash boʻyicha qariyb 36 soat davom etgan montaj ishlari yakunlangach, 2022-yil 4-yanvar kuni stansiyaning ikkinchi energobloki qayta ishga tushirildi hamda stansiya toʻliq shtat rejimida elektr energiyasi ishlab chiqara boshladi.
Tavsiya etamiz
Ko‘p o‘qilganlar
- Yevropada maymun chechakdan birinchi oʻlim qayd etilgani maʼlum qilindi
- Maymun chechak Osiyoning yana bir davlatiga kirib keldi
- Oʻzbekistonlik bokschilar Quvaytdagi musobaqada 5 ta oltin medalga sazovor boʻlishdi
- Buyuk Britaniya politsiyasi qiymati 40 million funt sterlinglik boʻlgan kokainni musodara qildi
- Bolgariya parlamenti tarqatib yuborildi
- Bryussel Boris Jonsonning NATO bosh kotibi lavozimini egallash ehtimolini baholadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring