Prezident raisligida toʻqimachilik sohasida eksport va investitsiya hajmlarini oshirish masalalari yuzasidan videoselektor yigʻilishi boʻlib oʻtmoqda.

Jumladan, mutasaddilarga:

- “A” reytingi bor tadbirkorlarga ham ikki yil davomida qoʻshilgan qiymat soligʻini qaytarish boʻyicha bir kunda xulosa berish tizimini yoʻlga qoʻyish;

- xorijdagi “erkin zonalar”ning omborlarini ijaraga olish, boʻyalgan mato eksport qilgan korxonalarga xorijiy valyutada kredit ajratish tizimini joriy qilish;

- tadbirkorlar reytingida “A” toifadagi eksportchi korxonalarga akkreditivni garovga olish va uni 70 foizi miqdorida aylanma mablagʻ uchun kredit ajratish tizimini yoʻlga qoʻyish;

- toʻqimachilik korxonalariga obyektlarni oʻz kuchi bilan qurishga ruxsat berish;

- gazlama, boʻyash-pardozlash, tayyor tikuv-trikotajdagi 10 million dollargacha boʻlgan loyihalar uchun chet el valyutasida olinadigan kreditlar boʻyicha foiz xarajatlarining 6 foizdan yuqori qismini kompensatsiya qilish;

- toʻqimachilik korxonalari aylanmasi uchun berilgan kreditlarning qaytarish muddatini uzaytirib, tadbirkorlarga grafik boʻyicha oʻz vaqtida qaytarilgan summaga teng miqdorda “revolver” kredit berish;

- poytaxt va viloyat markazlaridagi yirik savdo komplekslarida “Oʻzbekistonda ishlab chiqarilgan” nomi ostida milliy mahsulotlar doʻkonlarini tashkil qilish boʻyicha asoslantirilgan takliflar kiritish topshirildi.