Tokio Olimpiadasidan oldin Virtual olimpiada oʻtkaziladi — Xalqaro olimpiya qoʻmitasi
Xalqaro olimpiya qoʻmitasi (XOQ) I Virtual olimpiada oʻtkazilishini maʼlum qildi. Unda ayrim sport turlariga bagʻishlangan kompyuter oʻyinlari boʻyicha musobaqalar oʻtkaziladi, deyiladi tashkilot rasmiy saytida berilgan xabarda.
Virtual olimpiadaning dasturiga beysbol, eshkak eshish, avto va velopoyga va parus sport turlari kiritilgan. Musobaqa Tokio Olimpiadasi arafasida — 13-may — 23-iyun kunlari boʻlib oʻtadi. Virtual olimpiadani tashkil etish uchun ixtisoslashgan federatsiyalar javobgar boʻladi.
XOQ prezidenti Tomas Baxning taʼkidlashicha, Olimpiadaning virtual seriyasi — bu virtual sportning yangi tomoshabinlari bilan bevosita aloqalarni kengaytiradigan noyob raqamli tajriba boʻladi.
“Ushbu seriya sport bilan shugʻullanishni ragʻbatlantiradi va yoshlarga alohida eʼtibor bergan holda Olimpiada qadriyatlarini targʻib qiladi”, deydi Bax.
Eslatib oʻtamiz, Yaponiya pandemiyaga qaramay, Olimpiada oʻyinlarini oʻtkazish niyatida. Bellashuvlar 2021-yilning 23-iyul — 8-avgust kunlari boʻlib oʻtadi.
Tavsiya etamiz
Ko‘p o‘qilganlar
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Kambagʻallikni qisqartirish: pul emas, aql-idrok va bilim muhim
- Oʻzbekistonda xotin-qizlarga nisbatan raqamli zoʻravonlikka barham berish boʻyicha 16 kunlik kampaniya boshlandi
- “Matonatli Maryam” filmi keng jamoatchilikka taqdim etildi
- FIDE jahon kubogi chempioni Javohir Sindarovni kutib olish marosimi boʻlib oʻtdi (+fotoreportaj)
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring