Tokio-2020: Paralimpiya oʻyinlarida oʻzbekistonlik bayroqdor oʻzgardi

11:45 24 Avgust 2021 Sport
949 0

Xabaringiz bor, Oʻzbekiston paralimpiya terma jamoasi shu yil 21-avgust kuni Yaponiyaga yetib borgandi. 

Narita aeroportida olingan test natijalariga koʻra, dzyudo boʻyicha bir nafardan sportchi va murabbiyimizda koronavirus infeksiyasi aniqlandi va ular Tokio shahrida karantinga olindi.

Shuningdek, yengil atletika boʻyicha terma jamoa aʼzosi va bayroqdori Nurxon Qurbonova samolyotda ularga yaqin masofada boʻlganligi bois bu sportchiga ham Xalqaro paralimpiya tashkiliy qoʻmitasi hamda Yaponiya hukumati talablariga muvofiq karantin ehtiyot chorasi qoʻllanildi. Shu sababli N.Qurbonova bugun Toshkent vaqti bilan soat 16:00da boshlanadigan ochilish marosimida bayroqdor sifatida ishtirok eta olmaydi.

Shu oʻrinda Oʻzbekiston Milliy paralimpiya qoʻmitasi tomonidan parakanoe boʻyicha Jahon chempioni Shahnoza Mirzayeva Muxammad Rixsimov bilan birgalikda bayroqdor sifatida ishtirok etishi taklifi maʼqullandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?