Foto: president.uz

Prezident raisligida raqamlashtirish boʻyicha 2023-yilgi vazifalar va rejalarga bagʻishlangan videoselektor yigʻilishi boʻlib oʻtmoqda. Bu haqda Prezident matbuot kotibi Sherzod Asadov xabar berdi.

Umuman, Raqamlashtirish vazirligiga tegishli vazirlik va hokimliklar bilan birgalikda:

— aholi va tadbirkorlarga koʻrsatilayotgan elektron xizmatlar boʻyicha 26 ta axborot tizimini Yagona  davlat xizmatlari portali bilan birlashtirish;

— ushbu portal orqali koʻrsatilayotgan xizmatlarni hozirgi 370 tadan 570 taga yetkazish;

— yangi avtotransportlarni onlayn davlat roʻyxatidan oʻtkazish va raqam berish tizimini joriy qilish;

— yana 8 turdagi notarial harakatlarni onlayn shaklga oʻtkazish;

— jami 11 mingga yaqin suv xoʻjaligi obyektlarida suv hisobini yuritishning raqamli tizimini joriy etish;

— 2 mingdan ziyod meliorativ kuzatuv quduqlarini avtomatlashgan monitoring tizimiga oʻtkazish;

— barcha tibbiyot muassasalarini lokal tarmoq bilan qamrab olish, ularni kompyuterlar bilan toʻliq jihozlash;

— tibbiyotni raqamlashtirish boʻyicha 50 million dollarlik loyihani boshlash vazifasi qoʻyildi.