Tanzila Narbayeva Turkiy tilli davlatlar tashkiloti Bosh kotibi bilan uchrashdi

01:10 26 Iyun 2022 Siyosat
947 0

Foto: Oliy Majlis Senati axborot xizmati

2022-yil 24-iyun kuni Oʻzbekiston delegatsiyasining Turkiy tilli davlatlar Parlament assambleyasi (TurkPA) XI yalpi yalpi majlisidagi ishtiroki doirasida Oʻzbekiston Respublikasi Oliy Majlisi Senati Raisi Tanzila Narbayeva Turkiy davlatlar tashkiloti (TDT) Bosh kotibi Bagʻdod Amreyev bilan uchrashdi.

Unda Turkiy davlatlar tashkilotiga aʼzo mamlakatlar oʻrtasidagi munosabatlarni turli sohalarda, shu jumladan TurkPA doirasida yanada rivojlantirish masalalari yuzasidan fikr almashildi.

Oʻzbekiston 2019-yilda Tashkilotga qoʻshilganidan buyon TDT faoliyatida faol ishtirok etayotganini taʼkidlab, B.Amreyev mamlakatimizda davlat va jamiyat qurilishi, ishbilarmonlik va tadbirkorlik muhitini yaxshilash sohasida amalga oshirilayotgan keng koʻlamli oʻzgarishlarni, respublikamiz tomonidan Markaziy Osiyo mamlakatlari bilan doʻstlik va yaxshi qoʻshnichilik munosabatlarini mustahkamlash, shuningdek, Turkiy davlatlar tashkiloti doirasida hamkorlikni kuchaytirish boʻyicha koʻrilayotgan choralarni yuqori baholadi.

Uchrashuvda tomonlar TDTga aʼzo davlatlar oʻrtasida savdo-iqtisodiy va investitsiya aloqalarini mustahkamlashda TDT rolini oshirish boʻyicha Oʻzbekiston Respublikasi Prezidenti Sh.M.Mirziyoyevning tashabbuslarini amalga oshirish jarayonini, xususan, Turkiy taraqqiyot bankini tashkil etish masalasini ham muhokama qildi.

Uchrashuv yakunlariga koʻra joriy yilning kuzida Toshkentda boʻlib oʻtadigan TDT sammiti doirasida rasman taʼsis etilishi rejalashtirilayotgan Turkiy investitsiya fondini ishga tushirishga tayyorgarlik jarayonini tezroq yakunlash boʻyicha kelishuvga erishildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?