Tadbirkorlardan 8 turdagi hisobotlarni talab qilish bekor qilindi

11:36 12 Yanvar 2024 Hujjatlar
349 0

“Tadbirkorlik subyektlari tomonidan davlat organlariga hisobot va statistik maʼlumotlarni taqdim etish jarayonlarini yanada soddalashtirish chora-tadbirlari toʻgʻrisida”gi Prezident qarori (PQ–8-son, 09.01.2024-y.) qabul qilindi.

Qarorga koʻra, 2024-yildan tadbirkorlardan talab qilinadigan, oʻzaro bir-birini takrorlovchi va davlat organlarining boshqa organlardan olish imkoniyati mavjud boʻlgan 8 turdagi hisobot va statistik maʼlumotlar bekor qilinadi.

Shuningdek, tadbirkorlik subyektlari tomonidan davlat organlariga taqdim etiladigan hisobot va statistik maʼlumotlarning yagona roʻyxati tasdiqlandi.

Qarorga koʻra, hisobotlar faqat axborot tizimlari orqali taqdim etiladi.

2026-yil 1-yanvargacha “tadbirkorlik subyektining shaxsiy kabineti” orqali hisobotlarni shakllantirish va davlat organlariga taqdim etishni nazarda tutuvchi yagona hisobotlar tizimi joriy qilinadi.

Hisobotlarni topshirish quyidagi tartibda amalga oshiriladi:

— 2026-yil 1-yanvardan barcha tadbirkorlar uchun – ixtiyoriy;
— 2027-yil 1-yanvardan kichik va oʻrta tadbirkorlik subyektlari uchun – majburiy;
— 2028-yil 1-yanvardan barcha tadbirkorlar uchun – majburiy.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер