Stress eshitish qobiliyatining yoʻqolishiga olib kelishi mumkin. Bu haqda otorinolaringolog Yana Nikitkina maʼlumot berdi.

“Stress tufayli eshitish qobiliyatining yoʻqolishiga sabab boʻladigan turli kasalliklar rivojlanishi mumkin. Agar bemor biron bir kasallik yoki ayrim aʼzo va tizimlarning mayda, subklinik buzilishlariga moyillik boʻlsa, stress fonida patologiya paydo boʻlishi mumkin”, dedi shifokor.

Shifokorlar koʻpincha genetik kasalliklar tufayli bolalarning eshitish qobiliyati yoʻqolishiga duch kelishadi. Kattalarda esa bu jarayonda irsiyat maʼlum rol oʻynaydi.

Har qanday yoshdagi odamlar eshitish qobiliyatini yoʻqotishga moyil. Quloqlardagi yalligʻlanish kasalliklari koʻproq yoshlarda uchraydi. Keksalarning esa eshitish qobiliyatini yoʻqotish ehtimoli yuqori, bu eshitish nerv hujayralarining yoshga bogʻliq buzilishi bilan bogʻliq.

Unga koʻra, eshitish qobiliyatining yomonlashishi va yoʻqolishi tashqi, oʻrta va ichki quloqning yalligʻlanish kasalliklari, otoskleroz, turli xil shikastlanishlar va metabolik hamda qon tomirlarining buzilishi bilan bogʻliq boshqa kasalliklarning belgilaridir.

“Eshitish qobiliyatini tiklash uchun eng muhimi erta tashxis qoʻyish va oʻz vaqtida davolashdir”, deya xulosa qildi shifokor.