Shifokorlar koronavirus qurbonlarining yangi toifasi haqida ogohlantirdi

02:42 27 Iyul 2021 Dunyo
470 0

Shifokorlar tobora koʻproq koronavirus qurboniga aylanayotgan odamlarning yangi toifasi haqida maʼlum qildi.

“Daily Mail“ning yozishicha, bu toifa emlashdan bosh tortgan 40 va undan katta yoshdagi insonlar boʻlib, ularning baʼzilari sogʻlom va surunkali kasalliklarga chalinmagan boʻlsa, kasallik qurboniga aylanmoqda. Bundan tashqari, odamning yoshi, hatto emlash bilan ham, ”COVID-19” uchun xavfli omil boʻlib qolmoqda. Yaʼni, 70 yoshli odam uchun oʻlim xavfi 35 yoshdagiga nisbatan 32 baravar yuqori boʻlayotgan ekan.

Avvalroq, ingliz olimlari koronavirus infeksiyasi bilan ogʻrigan odamlar baʼzi qobiliyatlarni yoʻqotishini aniqlagan edilar. Bu holat qisman kasallikning ogʻirligi bilan bogʻliq boʻlib, masalan, oʻpkani mexanik shamollatish apparatiga ulangan bemorlarda aql darajasi birdaniga yetti pogʻonaga pasaygani kuzatilgan. Tadqiqot natijalariga koʻra, bu asoratlar qayta tiklanmas ekan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?