Senatning yoshlar, xotin qizlar, madaniyat va sport masalalari qoʻmitasi aʼzosi Malika Kadirxanova poytaxtimizda oʻtkazilgan “InnoWeek–2025” xalqaro innovatsiyalar haftaligi doirasida “Ijodkor ayollar: gʻoyalar, ixtirolar va yutuqlar yoʻlida” mavzusidagi seminarda ishtirok etdi.

Tadbirda sohaga daxldor vazirlik va idoralar vakillari, ilmiy-tadqiqot muassasalari mutaxassislari, ilm-fan va innovatsiyalar yoʻnalishida faoliyat yuritayotgan xotin-qizlar hamda yosh ijodkorlar qatnashdi.

Seminar davomida maʼruzachilar xotin-qizlarning innovatsion jarayonlardagi faol ishtirokini taʼkidlab, ularning jamiyat taraqqiyotidagi muhim rolini qayd etdilar, shuningdek, axborot va yuqori texnologiyalar davrida ijodiy yondashuvning ahamiyatiga eʼtibor qaratdi

Xotin-qizlarning har bir fikri yangilanish sari tashlangan qadam, har bir tashabbusi jamiyat rivoji uchun yangi imkoniyat ekani taʼkidlandi.

“InnoWeek-2025” xalqaro haftaligi ilm-fan, ijod va hamkorlikni birlashtirgan ochiq muloqot maydoni boʻlib, ishtirokchilarga oʻzlarining innovatsion gʻoyalari va amaliy tajribalarini namoyon etish imkonini berdi.