Illyustrativ foto

Quyosh nuri taʼsirida plastik suv idishlaridan zararli uchuvchi organik birikmalarning (VOC) ajralib chiqishi maʼlum boʻldi. Bu koʻplab kasalliklarga sabab boʻlishi mumkin. Mazkur tadqiqot natijalari haqida «Eco-Environment & Health» ilmiy jurnalida maqola chop etilgan.

Jinan universiteti qoshidagi Guangdong asosiy atrof-muhit ifloslanishi va salomatlik laboratoriyasi tomonidan olib borilgan ilmiy izlanishlar shuni koʻrsatdiki, quyosh nuri plastik idishlardan VOClarning ajralib chiqishiga sabab boʻladi.

VOClar inson salomatligiga zarar yetkazishi, xususan, bu esa vaqt oʻtishi bilan bosh ogʻrigʻi, bosh aylanishi va hatto jigar hamda buyrak yetishmovchiligiga yoki saraton kabi jiddiy muammolarini keltirib chiqarishi ham mumkin.

Tadqiqot UV-A va quyosh nuri taʼsirida olti turdagi plastik suv idishlarini tahlil qildi. Natijalar shuni koʻrsatdiki, barcha shishalar alkanlar, alkenlar, spirtlar, aldegidlar va kislotalarni oʻz ichiga olgan VOC aralashmasini chiqaradi. Ushbu VOClarning baʼzilari, masalan, N-geksadekan juda zaharli va hatto kanserogendir.

Tadqiqotni olib borgan mashhur doktor Huase Ou ushbu emissiya bilan bogʻliq xavfning jiddiy ekanligini taʼkidladi. Uning aytishicha, quyosh nurining uzoq taʼsir qilishi ushbu zararli birikmalarning konsentratsiyasini oshirishi mumkin.

Olimlar ushbu topilmalar sababli sanoatda plastik idishlarning ishlab chiqarishini kamaytirishga yoki zararini kamaytirish uchun maxsus ishlov berilishiga erishishmoqchi. Hozircha aniq takliflar mavjud emas. Shunga qaramasdan, ilmiy izlanishlar davom etyapti.