SamDU rektori rossiyalik taniqli olimni qabul qildi

22:41 07 Noyabr 2025 Jamiyat
185 0

Sharof Rashidov nomidagi Samarqand davlat universiteti rektori, Oʻzbekiston Respublikasi fan arbobi, Oliy Majlis Senati aʼzosi Rustam Xolmurodov bugun Rossiyaning Kurchatov instituti milliy tadqiqot markazi prezidenti, Rossiya fanlar akademiyasining muxbir aʼzosi Mixail Kovalchukni qabul qildi.

Marosimda akademik Muhsin Ashurov, Samarqand davlat universiteti professor-oʻqituvchilari hamda ilmiy xodimlari qatnashdi.

Uchrashuvda taʼlim va tadqiqot muassasalari oʻrtasida ikki tomonlama ilmiy-amaliy hamkorlikni yoʻlga qoʻyish va kengaytirish, konvergent texnologiyalar va elementar zarrachalar fizikasi, tibbiyot va biologiyada raqamli texnologiyalarni qoʻllash, akademik almashinuvlarni amalga oshirish xususida taklif va mulohazalar bildirildi. Shuningdek, bu boradagi amaliy harakatlarni boshlash zarurligi taʼkidlandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер