Samarqanddagi sayyohlik markazi haqida film suratga olinmoqda

17:33 23 Avgust 2022 Madaniyat
596 0

Kinematografiya agentligi buyurtmasiga binoan “Hujjatli va xronikal filmlar kinostudiyasi” tomonidan Samarqandda qurilayotgan “Silk Road Samarkand” sayyohlik markazi haqida “Ipak yoʻlining yangi durdonasi” hujjatli filmi yaratilmoqda.

Kuni kecha film ijodkorlari sayyohlik markazida boʻlib, syomka jarayonlarini olib borishdi. Hujjatli filmda markaz tarixi, faoliyati va uning bunyod boʻlishida mehnati singan mutaxassislar va fidokor quruvchilar haqida soʻz boradi.

Film ssenariy mualliflari Furqat Usmonov va Abdusamad Salomov, operatorlar Samijon Sunnatillayev, Zafar Komilov hamda Xursanali Tilavoldiyev, kartina direktori Sunnatillo Samatov.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?