Samarqandda yuz bergan YTHda talaba yigit halok boʻldi 

15:22 23 May 2024 Jamiyat
373 0

Ijtimoiy tarmoqlarda Samarqand shahrida inson oʻlimi bilan bogʻliq yoʻl-transport hodisasi sodir boʻlgani haqida xabarlar tarqaldi. Unga koʻra, hodisa oqibatida SamDUning 4-bosqich talabasi halok boʻlgan.

Keyinchalik Yoshlar ittifoqi Samarqand viloyat kengashining Telegram kanalida talaba yigitning vafoti yuzasidan taʼziyanoma eʼlon qilindi. Unda qayd etilishicha, marhum tashkilotning pedagogik taʼlim yoʻnalishi koordinatori boʻlgan.

Viloyat YHXBning maʼlumot berishicha, joriy yilning 21-may kuni soat 23:30 atrofida Talabalar xiyoboni koʻchasidagi piyodalar oʻtish joyidan oʻtayotgan D.E.ni Nexia-2 avtomashinasi urib ketgan. 

Talaba yigit shahardagi tibbiyot birlashmasiga olib borilgan. Ammo, u olgan jarohatlari oqibatida shifoxonada vafot etgan. Hozirda mazkur holat yuzasidan jinoyat ishi qoʻzgʻatilib, tergov harakatlari olib borilmoqda.

Kun.uz nashrining ijtimoiy tarmoqdagi izohlarga tayanib yozishicha, talaba yigitni poyga uyushtirgan mashinalardan biri urib yuborgan boʻlishi mumkin.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер