Samarqandda velosipedchini yuk mashinasi, undan soʻng “Damas” bosib ketdi
Foto: Samarqand YHXB
Samarqand viloyati Toyloq tumanida velosipedchi ketma-ket ikki mashina bosib ketishi oqibatida halok boʻldi. Bu haqda viloyat Yoʻl harakati xavfsizligi boshqarmasi xabar berdi.
Maʼlum qilinishicha, voqea joriy yilning 29-yanvar kuni soat 18:20 larda Toyloq tumani “Jumabozor” MFY hududidan oʻtgan D-069 avtomobil yoʻlining 12-kilometrida roʻy bergan. Toyloq–Urgut yoʻnalishida harakatlanib ketayotgan velosipedchini shu yoʻnalishda kelayotgan “Isuzu” rusumli yuk transport vositasi urib yuborib, yoʻl-transport hodisasi sodir etgan.
Oqibatda velosipedchi yoʻlga yiqilgan. Shundan soʻng, “Isuzu”ning ortidan harakatlanib kelayotgan “Damas” rusumli transport vositasi yoʻlda yotgan fuqaroni bosib ketgan.
Qayd etilishicha, velosipedchi voqea joyida halok boʻlgan. Hozirda mazkur holat yuzasidan Toyloq tumani IIB Tergov boʻlimi tomonidan jinoyat ishi qoʻzgʻatilib, dastlabki tergov harakatlari olib borilmoqda.
Tavsiya etamiz
Ko‘p o‘qilganlar
- Prezident Oʻzbekiston bojxona sohasi xodimlariga tabrik yoʻlladi
- “Nigilist pingvin”. Ruhan ezilgan va hayotdan maʼno izlayotganlar uchun noodatiy mem ommalashmoqda
- Toshkentda Osiyo Olimpiya kengashiga yangi rahbar saylandi (+fotoreportaj)
- Oʻzbekiston armiyasi Markaziy Osiyoda birinchi o'rinda — dunyo armiyalari reytingi eʼlon qilindi
- “Yangi Oʻzbekiston yulduzlari” milliy mukofoti xalqaro darajaga koʻtarilmoqda
- Oʻzbekistonda ilmiy laboratoriyalarning sunʼiy intellektga asoslangan yagona ilmiy platformasi ishga tushiriladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring