Samarqandda PPX inspektori YTH sodir etdi
Videodan kadr
Samarqand shahrida patrul-post xizmati inspektori yoʻl-transport hodisasi sodir etdi. Bu haqda viloyat Ichki ishlar boshqarmasi axborot xizmati xabar berdi.
Maʼlum qilinishicha, 9-oktyabr kuni soat 14:15 larda Samarqand viloyati IIB patrul-post xizmati bataloni inspektori “Nexia-3” rusumli xizmat mashinasida oʻzining xizmat hududida Samarqand shahar Buyuk ipak yoʻli koʻchasi boʻylab harakatlanishi davomida “Damas” rusumli avtomashinaning orqa tomoniga borib urilgan.
Oqibatda “Damas” oʻzidan oldinda turgan “Damas-2” hamda “Lacetti” avtotransportlari bilan toʻqnashib, yoʻl-transport hodisasi sodir boʻlgan.
YTH tufayli patrul-post xizmati inspektori va “Damas” haydovchisi jabrlangan. Ularga tibbiy muolajalar koʻrsatilib, javob berilgan. Qayd etilishicha, hodisaning barcha ishtirokchilari hushyor holatda boʻlgan.
Hozirda holat yuzasidan Samarqand shahar prokuraturasi tomonidan tergovga qadar tekshiruv harakatlari olib borilmoqda.
Tavsiya etamiz
Ko‘p o‘qilganlar
- Oʻrta Osiyodagi eng baland yangi yil archasi — Namanganda
- Nilufardan Qobiljongacha... Qobuljon Rossiyada etnik nafrat tufayli vahshiylarcha oʻldirilgan birinchi bola emas
- Oʻzbekistonda YTT va oʻzini oʻzi band qilgan shaxslar QR-kodsiz faoliyat yuritsa jarimaga tortiladi
- Yaldo tuni: Yerliklar bugun eng uzun tun va eng qisqa kunga guvoh boʻladi
- Hokim yordamchisi kimga yordamchi?
- Muhammad Rizo Ogahiy nomidagi xalqaro mukofot sovrindorlari maʼlum boʻldi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring