Samarqand xalqaro aeroportida “Ochiq osmon” rejimi joriy etiladi

21:31 23 Sentyabr 2022 Jamiyat
952 0

Foto: Arxiv surat

Mamlakatimiz turizm salohiyatini oshirish, yangi barpo etilgan Samarqand xalqaro aeroporti imkoniyatlaridan toʻlaqonli foydalanish hamda aviatashuvlar bozorida raqobat muhitini rivojlantirish maqsadida, 2022-yil 1-oktyabrdan Samarqand xalqaro aeroportida “Ochiq osmon” rejimi joriy etiladi.

“Ochiq osmon” rejimi Samarqand xalqaro aeroportining texnik imkoniyatlarini inobatga olgan holda xalqaro huquq meʼyorlariga muvofiq xorijiy aviakompaniyalar uchun reyslar va yoʻnalishlar boʻyicha cheklovlarning bekor qilinishini anglatadi.

Endilikda xorijiy aviakompaniyalar havo qatnovi toʻgʻrisidagi hukumatlararo bitimning mavjud yoki mavjud emasligidan qatʼi nazar Samarqand xalqaro aeroportiga aviaqatnovlarni amalga oshira oladi.

Joriy yilning 1-oktyabr sanasidan Samarqand xalqaro aeroportida yangi tartibning joriy etilganligi toʻgʻrisida chet el aviatsiya maʼmuriyatlari oʻrnatilgan tartibda xabardor etildi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?