Foto: president.uz

Prezident raisligida sanoatni rivojlantirish masalalariga bagʻishlangan videoselektor yigʻilishi boʻlib oʻtmoqda. Bu haqda Prezident matbuot kotibi Sherzod Asadov xabar berdi.

Yigʻilishda zargarlikda ham imkoniyatlar juda kengligi, mamlakatimizda 300 million dollarlik ichki bozor borligi taʼkidlandi.

Bu talabni bemalol oʻzimizni mahalliy zargarlar qondirishi mumkin. Shu sababli ularni qoʻllab-quvvatlash uchun 1-dekabrdan boshlab:

— oltin va kumushga kechiktirib toʻlash uchun barcha banklar va Eksportni ragʻbatlantirish agentligi kafolatlari qabul qilinadi;

— kafolat olish imkoniyati yakka tartibdagi zargarlar uchun ham yaratiladi;

— oltin, kumush va zargarlik uchun zarur boshqa xom ashyolarni qayta ishlash uchun vaqtincha olib kirish va olib chiqishda litsenziya talabi bekor qilinadi;

— zargarlar ishlatadigan qimmatbaho va bezak toshlari bojxona toʻlovlaridan ozod qilinadi;

— 10 ming dollargacha boʻlgan zargarlik buyumlarini chetga olib chiqishga ruxsat beriladi (hozir 5 minggacha ruxsat berilgan).

Tegishli viloyatlar hokimlariga Samarqand, Buxoro va Qoʻqon shaharlarida zargarlik savdo va ishlab chiqarish majmualarini ishga tushirish topshirildi.