Rossiyada 11 nafar oʻzbekistonlik mehnat migranti ovqatdan zaharlandi

16:32 01 Avgust 2022 Jamiyat
562 0

Foto: Arxiv surat

Rossiya Federatsiyasining Volgograd viloyatida oʻzbekistonlik 11 nafar mehnat migrantining zaharlangani haqida ommaviy axborot vositalarida tarqalgan xabarlar yuzasidan Tashqi mehnat migratsiyasi agentligi quyidagilarni maʼlum qiladi.

Dastlabki oʻrganishlardan maʼlum boʻlishicha, joriy yil 28-iyul kuni Volgograd viloyati Bыkovskiy tumanidagi “Pobeda” fermer xoʻjaligida qonuniy ishlab kelayotgan fuqarolarning sogʻligʻi yomonlashgach, tez yordam chaqirilib, shifoxonaga olib borilgan.

Ovqatdan zaharlanish tashxisi qoʻyilib, ular shifoxonaga yotqizilgan.

Tashqi mehnat migratsiyasi agentligining Volgograd viloyatidagi vakiliga shifokorlarning maʼlum qilishicha, hozirgi vaqtda fuqarolar oʻzlarini yaxshi his qilishmoqda va sogʻligʻi tiklangach, shifoxonadan javob beriladi, deyiladi xabarda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?